രാത്രി

ഇന്നിന്‍റെ കയ്പ്പിനെ

നിദ്ര കൊണ്ട് മായ്ക്കാന്‍...

നാളെയുടെ മധുരത്തിനായി

സ്വപ്നം കാണാന്‍...

അടുത്ത പ്രഭാതം...

വരാനിരിക്കുന്ന

രാത്രിക്ക് വേണ്ടി മാത്രം!!!

ഭയം

എന്‍റെ കരള്‍ പറിച്ചെടുത്ത്

ഉമിത്തീയില്‍ സൂക്ഷിച്ചിട്ടുണ്ട് ഞാന്‍

നീ എന്നെ ശിക്ഷിക്കുന്നതിനു മുന്‍പേ...

എനിക്ക് എന്നെ ശിക്ഷിക്കാന്‍...

അല്ലെങ്കില്‍ എന്നെ ശിക്ഷിച്ച് ശിക്ഷിച്ച്

നീ ഇല്ലാതായെങ്കിലോ എന്ന്

എനിക്ക് ഭയം തോന്നിത്തുടങ്ങിയിരിക്കുന്നു...

കടല്‍

പ്രണയത്തിന്‍റെ നീലക്കടല്‍...
എനിക്കും നിനക്കും ഇടയിലോ...
അതോ.. നമ്മുടെ ഉള്ളിലോ...
എന്‍റെ ഞരമ്പുകള്‍ നീലച്ച് തുടങ്ങിയിരിക്കുന്നു ..
നിന്‍റെ രക്തവും ....

കണ്ണാടി

ഞാന്‍ ഒരു ഉടഞ്ഞ കണ്ണാടി ...........
പക്ഷെ... ചില്ല് കഷ്ണങ്ങളിലോക്കെയും
നിന്‍റെ മുഖം മാത്രം ..............