അവസാനം

ആരും

അറിയുന്നില്ല

എന്തിനാണ് പരസ്പരം

സ്നേഹിക്കുന്നതെന്ന്‍

അതുകൊണ്ട് ഭൂമിയിലുള്ള

ചിലര്‍ ഇന്നും

സ്നേഹിച്ചു ജീവിക്കുന്നു

അതെന്തിനെന്ന്‍

അവരറിയാതിരിക്കട്ടെ

ലോകമവസനിക്കും വരെ

....... ഇല്ല ഓര്‍മയവസാനിക്കുന്നില്ല, ലോകവും...!!

പിന്മാറ്റം

എനിക്ക് മടുത്തു തുടങ്ങിയിരിക്കുന്നു

ചരലുകള്‍ മേയുന്ന കല്‍പടവുകളും

വിണ്ടു കീറിയ ഇടവഴികളും

ഇന്നലകളുടെ അവശിഷ്ടങ്ങളായ ഓര്‍മ്മകളും

ചിലമ്പിച്ച മനസ്സുള്ള സൌഹൃദങ്ങളും

ശകാരങ്ങള്‍ മാത്രമുതിര്‍ക്കുന്ന വഴികാട്ടികളും

ചിതല്‍ പുറ്റു പിടിച്ച നഷ്ട സ്വപ്നങ്ങളും

പിന്നീട് എവിടെ വെച്ചോ ഞാനറിഞ്ഞു

സത്യത്തില്‍....

എനിക്ക് എന്നെത്തന്നെ മടുത്തിരിക്കുന്നു...!!!

ഞാന്‍

പുലരിക്കു മുമ്പേ അസ്തമയം സ്വപ്നം കാണുന്നു

പ്രണയത്തിനു മുമ്പേ വിരഹവും..!!

ശിക്ഷ

നിന്നെ ചുംബിച്ച കുറ്റത്തിന് എന്‍റെ അധരങ്ങളെ ഞാന്‍
ശിക്ഷിക്കട്ടെ ................!
എന്‍റെ മരണം വരെ നിന്‍റെ പേര് മാത്രം ഉരുവിടാന്‍
പറഞ്ഞുകൊണ്ട്.......!

വഴി

ഇന്നലെ,

എനിക്ക് എന്‍റെ വഴി

നിനക്ക് നിന്‍റെ വഴി

ഇന്ന്‍,

എനിക്ക് നിന്‍റെ വഴി

നിനക്ക് എന്‍റെ വഴി

നാളെ,

നമുക്ക് ഒരേ വഴി

പെരുവഴി....!!!

നഷ്ട സ്വര്‍ഗ്ഗം

മഴത്തുള്ളി..

വന്‍ വൃക്ഷത്തിന്‍റെ ഇലകളില്‍ വീണു

ചിന്നി ചിതറിയ മഴത്തുള്ളി ...